Sziget post 3

Wat Sziget ech aandersj mak es alle andere festivals, boete de prachtige locatie, is de rand-programmering. Zoe sjpulde zich op d'r geluidstore e gans apart tafereel aaf. Nao eder act op 't hoofpodium, moste deech 'ns umdrieje en deech mit lotte neme dur waste zies:

Oonder 't laope kumse och versjillende attracties tenge, zoe wie dis sjattige vuggel:

D'r waor bevurbeeld och 'n "Hungaricum Village" oeste volksdans kins liere, versjillende kruje kins liere beende, sjpilkes doon en och genete van d'r Sloveense groep Lyrical Minutes:

Vur 't zelfde geld kumse opins nog 'n sambaband tenge:

Nog ing van de hoegtepeunte waor 't Groëte Sjtraottheater. Artieste die versjillende lan vertegewoordigde woorte vurgesjtild an 't publiek um daonao 'n sjtraotrace te houwe mit fantastisch inaen gefabriceerde vaartuige:

D'r waor zelfs 'n circustent, mit d'rin en d'r boete versjillende artieste, dit waor oet Hollend le Cirque du Platzak:

Neet alling op de sjtraot kloonk "Brindisi" (the drinking song) oet d'r opera "La Traviata" van Verdi, me och in de Cultuurtent oë professionele operazengers versjillende sjtukke lete hure, van bevurbeeld Hongaarse componiste, me dus och dit bekinde leedsje:

En dizze sjlaet natuurlik alles:

Sziget post 2

Natuurlik is d'r och muziek op Sziget, 't is dan och e muziekfestival. Op de groete podia (Main Stage, A38-tent, Party Arena en World Music Stage) komme e groët aantal internationaal bekinde name.

In de A38 waor 't de ganse week werm, nog wermer wie boete, me daste binne 2 leedsjes gans durwaekt bis, esofse in e zjwumbad gesjpronge bis en continu 't geveul hubs in 'n sauna te zitte, hub eech nog nooit mitgemak! Toch brachte dis Ierse Amerikane van Flogging Molly genog energie um e gans optraeje lank te blieve sjpringe:

Van energie gesjproke: in d'r vreuge aovend troojt dis diva op: Skin. In de jaore '90 al succesvol mit häör band Skunk Anansie en sinds e paar jaor wer truuk op aod niveau en wie! Twie jaor gelaeje waor ze d'r och al en hub vur genote van häör oonoetputtelijke energie wie ze bovenop 't publiek klom en leep. Dat deeg ze dis kiër nog dikker.

Ze klom tot aene in 'nne rolsjtool dae och de loch i woort geluch en wis 'm nog 'n hand te geve. Ze sjprong zelfs in 't publiek en leet ederaen zitte, terwiel zie d'rtusjedur leep!

Nog e good optraeje van 'n goj band - alling versjrikkelik aafgemix - waor va Bad Religion:

En daonevve nog versjillende aander goj optraejes va artieste, die eech al dan neet ieder gezie hub, waore van o.a. Franz Ferdinand, Triggerfinger, Empire of the Sun en Editors:

Sziget post 1

Sziget Festival, the Island of Freedom, en dat op 't Óbudai Sziget, 't eiland dat bie 't ouwe Buda (Óbuda) huurt. 'n Week lang vriejhaed, gezellige luuj, heerlike muziek, goj sfeer, fie aagekleijd, leuke artieste, good waer en dat allemaol in 'n prachtige sjtad en vur gae geld.

Dus oë te beginne? Uursj mer 'ns mit 't eiland zelf. Normaal is 't e soort park, mit 'n fieng natuur, vurral hiel väöl versjillende sjoen beum. Op 't eiland woent gaene, me 't wurd vurral gebruuk um te wandele. Uvver 't eiland laope e paar betonne waegskes (die opvallende name hubbe, verneumd nao Janis Joplin, Jimmy Hendrix, Kurt Cobain en Freddy Mercury) en vur de res nog 'n aantal busjpaedsjes.

De ope plaatsje were gebruuk vur de groete en kling podia, langs de waeg sjtun de kräömkes (vur ete, de bars, kassa's, weenkelkes en waste nog mië kins verzinne) en oonder de beum wurd gecampeerd. Dat is och wal nudig mit zoe'n 38 grade! Soms is 't dan och ff zeuke nao d'n tent, want de zies soms dur de beum d'r busj neet mie. Mè os herkenningspunt waor d'r roeje läöper!

Bie die kräömkes kinse ech alles veende. Van d'r lokaal favoriete drank Fröccs (wien mit soda)

tot magnetronmaaltijde: