Sziget post 4

Sziget, 't Óbudai-eiland liegk in de Donau in de sjtad Boedapest. Dit is 'n samevoeging van de sjtaej Pest en Buda (en Óbuda). Pest liegk an de oostoever, de leenker oever van de Donau. Dit gedeelte is erg vlak en vurmt min of mië 't moderne Budapest. Ing van de sjoenste plaatsje is 't Heldeplein:

Dit plein is ter iere van 't 1000-jaorig besjtoon van Hongarije in 2000. D'r liegke versjillende musea aan, me och ambasades mit dieke oto's. 't Heldeplein is 't einde van de Andrássy Út, de groetste en sjoenste boulevard van Pest. Hie langs liegk och 't Terreurmuseum, oë de versjrikkinge van d'r Twiede Weldoorlog en d'r Sovjettiëd were herdach. De martelare van d'r Hongaarse Opsjtand van 1956 were mit foto's an d'r moër herdach:

't Begin van de Andrássy Út liegk an 't Erzsébét tér (Sisiplein) en dao liegk och de groete Stefanusbasiliek:

Dis prachtige keerk is och van binne te bezichtige en van binne is ze mesjien nog sjoener es wie van boete:

Get wiër, an 't Ferenciek Tere, liegk de Franciscanerkeerk:

En nog e sjtukske wiër liegk de Universiteitskeerk, och in barok:

Via 't Calvin Tér, de Calvijnkeerk en de groete merthal kumse bie de Vriejhaedsbrugk die wer oetkump bie d'r Gellértberg. Langs de Donau kinse trouwens heerlik ete, bevurbeeld bie dizze Griek, Dionysos:

En in de Radáj Útca kinse och heerlik ete:

Of 'nne tosti get wiër op langs de Donau:

Langs de Donau sjtaet och dis Ortodoxe keerk:

Och William Shakespeare kumse tenge i Budapest:

Typisch, 't Vigáno Concertgeboew mit e Hongaars boewvakkersbuske:

En zelfs de putdiksele zun sjoen:

En langs de Donau, kort bie 't Parlementsgeboew is e monument vur de op 't litste moment geëxecuteerde jude in d'r Twiede Weldoorlog:

Ze moeste hun sjoon oetdoe, woorte doëdgesjote en vele zoe de Donau in. Zoe'n 60 paar sjoon sjtun d'r noe ter naogedachtenis. Zoe dreug Budapest de sjpore van zoe'n 2000 jaor historie, sjoen en minder sjoen sjpore van fieng en minder fieng momente..