Sziget post 5

Nevve groëte, bekinde en gevestigde name, komme op Sziget och eder jaor kling, oonbekinde en beginnende artieste. Zoe is d'r 'n podium mit alling mer blues, me och e podium mit alling mer tributebands. Dao hub eech bevurbeeld gezie: "Purple Zeppelin", me och tributes van Bon Jovi, the Doors, Nirvana, Red Hot Chili Peppers, Faith No More en de bitste waor toch die van Rage against the Machine: mit 'nne zenger dae d'r lampebalk in klimt, 'nne Italiaan oet 't publiek dae e nummer mitzingt en e oetzinnig publiek dat veranderde in ing groëte pitt!

Me de bitste band waor mesjien nog de Serviërs: Emir Kusturica & the No Smoking Orchestra:

Och op 't World Music Stage sjtong 'nne daag later de Russische Skaband: Leningrad. Zie sjtonge mit nóg mië luuj op 't podium es d'r Emir, walgetild 16 (!) en The No Smoking Orchestra waor 'mer' mit 12. Dis Russe zunt regelmaotig dur Russische radiozenders geboycot, vanwege hun tekste. Helaas versjton eech gae Russisch, me de boodsjap en vurral de energie komme good uvver. Zoe hat dis zangeres anderhof oor sjtoon sjpringe wie 'nne dul:

En nog 'n band die op 't World Music Stage sjtong, de Tribute to Janse Bagge: La Pegatina:

Op 't hoofpodium sjtonge de Sjpaanse punkers van Ska-P, mit hits es Se Acabó, El Vals Del Obrero en natuurlik Legalizacion! Ze lete beelde zie van alle groete missjtande in de weld en houwe in hun show bevurbeeld 'nne paus mit e duvelegezich. Jaomer dat ze zelf alling mer sjpaans kalle.

Wiër hub vur nog Tame Impala, Moana & the Tribe, Tako Lako, Calexico en Les Tambours du Bronx gezie:

Tengevallende artieste waore Nick Cave & the Bad Seeds (väöl te hel en neet gans 'my cup of tea'), Blur (show van nix en väöl te saai gesjpuld), van Biffy Clyro hub eech neet väöl gehuurd, bie Parov Stellar waor 't zoe druk dat gaene mie de tent in koes, bie Bad Religion waor 't geluid enorm sjlech aafgemix en bie de Nirvana-tribute zelfs zoe erg daste de gitaar nauweliks hoers en de zang zelfs gaar neet. Dat 't ganse publiek de geluidstechnici sjtaet oet te fläöte hub zelfs eech nog nooit mitgemak!