Lyriek 5

D’r Generaal

Kort haor, brilke, e jaor of 11

Alles um hem heen gaet good

Op ae deenk nao: heezelf

’t Liek allemaol an hem, want hee is neet zoe good

Mè sjnachs is hee generaal

Hee is dictator, admiraal

Heerser uvver al wat laef is hee

Wat, oe en wienie, dat bepaalt hee

Hee is d’r held, d’r winnaar, God

Ging vraog wat good of sjlech is

Ging hoeger mach wie hem

Gaene dae ’t oonins mit hem is

Sjmurges is hee wer d’r loser

D’r voele, langsem, mit 2 leenker han

Neet gemotiveerd, hee wil neet wiër komme

Hee daet alles verkierd en nix good

Mè sjnachs is hee generaal

Hee is dictator, admiraal

Heerser uvver al wat laef is hee

Wat, oe en wienie, dat bepaalt hee

Hee is ‘nne gojje leider

Hat ’t mit ederaen good vur

Hat alle teugels sjtrak in aege han

Gaene kump get tekort

Alles lup perfec dur

Hem, want dat hat e gan

Massale legers, groete legioene

Umgeve dur helde en kampioene

Hee is d’r sjterkste en bitste van allemaol

Hee is d’r Warrior of the World van dit verhaol

Hee is neet aod en is neet sjterk

Hee daet nix vur sjoël en hat gae werk

Väöl te voel um op te sjtoe en wil wer gauw goe sjlaope

’t Kump neet dik vur, dat e boete is an’t laope

Mè sjnachs dan lup e uvver sjlagvelde

Es ’t duuster is, begint zie echte leve

Dan is hee aene van die legendarische helde

En kint e zich pas gans geve

© Hoebele, november 2007