Op zoondig 10 november zing eech in e koër op e concert uvver de Renaissance. Vur waete allemaol dat de Klassieke tieje toen herlaefde en vur kinne de kunswerke van Michaelangelo en Da Vinci, me die waore vurral beeldend. Och de koërmuziek kinde 'nne bleujperiode, mit prachtige sjtukke, die vur op dat concert gun zinge:
(Ma Julieta Dama)
"Ma Julieta Dama" is oet Sjpanje, deels in 't Frans, deels in 't Galicisch-Portugees
Pase el agoa, ma Julieta, Dama. Venite vous a moy.
Ju me'n anay en un vergel. Tres rosetas fui coller;
Ma Julioleta Dama, pase el agoa. Venite vous a moy.
(Villanella alla Napolitana / Chi la Gagliarda - Baldassare Donati)
"Chi la Gagliarda" is e gedich en leed van Baldassare Donati. 't Is gesjreve in de dichtvorm "Villanella", die e vas patroën hat en 't leed heesj och wal "Villanella alla Napolitana".
Chi la gagliarda donna vo imparare,
Venit' a nui che simo, mastri fini,
Che de ser' e de matina
Mai manchiamo, di sonare:
Tan tan tan tarira, tan ti ru ra.
Op zoondig 10 november zing eech in e koër op e concert uvver de Renaissance. Vur waete allemaol dat de Klassieke tieje toen herlaefde en vur kinne de kunswerke van Michaelangelo en Da Vinci, me die waore vurral beeldend. Och de koërmuziek kinde 'nne bleujperiode, mit prachtige sjtukke, die vur op dat concert gun zinge:
(The Silver Swan - Orlando Gibbons)
"The Silver Swan" van Orlando Gibbons gaet uvver de legende dat zjwane alling zinge juus vurdat ze sjterve:
The silver Swan, who, living, had no Note,
when Death approached, unlocked her silent throat.
Leaning her breast upon the reedy shore,
thus sang her first and last, and sang no more:
"Farewell, all joys! O Death, come close mine eyes!
More Geese than Swans now live, more Fools than Wise."
(Il bianco e dolce cigno - Jacques Arcadelt)
"Il bianco e dolce cigno" van Jacques Arcadelt betaekent letterlik "De witte en zeute zjwaan"
Il bianco e dolce cigno cantando more,
ed io piangendo giung' al fin del viver mio.
Stran' e diversa sorte, ch'ei more sconsolato ed io moro beato.
Morte che nel morire m'empie di gioia tutto e di desire.
Se nel morir, altro dolor non sento, di mille mort' il di sarei contento.
De witte en lieflijke zwaan sterft zingend.
En ik bereik wenend mijn levenseinde.
Het is een vreemd lot dat hij zonder troost sterft en dat ik gelukzalig sterf.
Een dood die mij vervult van vreugde en verlangen
Als ik door te sterven geen andere smart voel
Zou ik met genoegen duizend doden per dag willen sterven.
Syrië is neet 't uursjte land oë 't boeteland oorlog veurt.
(Coffessions of an economic hitman, oetgebreid interview)
John Perkins, vreuger werkzaam bie de CIA, neumt 't de "Corporatocratie" en volges hem hubbe de VS e vas sjtappeplan in hun boetelands beleid. Es e land of 'n regering neet mitwirk, dan wurd de regering corrupt gemak. Zigk mer gewoen umgegolle, dur de "Economic Hitmen". Ze kriege vanalles aangeboje, mit es doel dat Amerikaanse bedrieve de lokale bedrieve en nutsvurzieninge kinne uvverneme, um dao vervolges fleenke wins op te make.
D'r volgende sjtap is d'r president of dictator aafzitte en dat is 't werk van de "Jakhalze". Of ze vermoorde 'm, in 'n vleegtuigcrash bevurbeeld, óf dur 'n coup te plege of 't volk in opsjtand te bringe, zoedat zie 'm zelf vervange.
En es alles gefaald hat, dan is oorlog 't litste redmiddel. 't Leefste oorlog tusje ander lan, zoedaste 't zelf neet hoefs te doon en aandersj gewoen zelf.
E vurbeeld van d'r uursjte sjtap is Iran in 1953, vurbeelde van sjtap twie zun Guatemala in 1954, Ecuador en Panama in 1981 en 't mislukt in 2002 in Venezuela. Sjtap driej is bevurbeeld Irak in 2003.
1953 - Iran: Mossadegh umgegolle en aafgezat ten gunste van Sjah
1954 - Guatemala: Arbenz aafgezat
1981 - Ecuador: Roldos sjterft dur vleegtuigcrash in mei
1981 - Panama: Torijjos 't zelfde, in juni
2002 - Venezuela: 't volk kump neet in opsjtand tenge Chavez
2003 - Irak: oorlog um olie
En volges meech kinse dao an toevoege:
2001-noe - Afghanistan: Taliban verdreve, me mach nog ummer neet in han.
2011 - Tunesië: president traejt aaf
2011 - Egypte: president traejt aaf
2011 - Jemen: president traejt aaf
2011 - Libië: dictator vermoord
2011-noe - Syrië: burgeroorlog, president nog neet aafgetroje
"Vänner och Frände" is 'n Zjweedse middeliëwse ballade, letterlik: Vrun en Familie. 't Gaet uvver 'n gearrangeerd huwelik bie de hoege adel. Ziëvaarders nudigde zichzelf oet, keme op de broelof en gonge d'r mit de broëd vandur:
Vänner och fränder de lade om rãd - - - Vrun en familie keme same vur advies
Hur de skulle gifta bort sin fränka i ãr - - - Um 't maedsje te lotte trowwe
Uti rosen - - - Bleujende jeug
Lade om rãd - - - Keme same vur advies
Hur de skulle gifta bort sin fränka i ãr - - - Um 't maedsje te lotte trowwe
(van Garmarna)
Dig vill giva en kungason till man - - - Vur wille daste mit 'nne kunningszoën trows
Som haver mera guld än lille Roland haver land - - - Dae mië gaod hat dan Roland land hat
Uti rosen - - - Bleujende jeug
Kungason till man - - - Daste mit 'nne kunningszoën trows
Som haver mera guld än lille Roland haver land - - - Dae mië gaod hat dan Roland land hat
(van Annwn)
Om onsdan och torsdan blandades vin - - - Gonstig en donderdig woort d'r wien gemak
Om fredan och lördan dracks hederdagen in - - - Vriedig en zotterdig woort de broelof geveerd
Uti rosen - - - Bleujende jeug
Blandades vin - - - Woort d'r wien gemak
Om fredan och lördan dracks hederdagen in - - - Vriedig en zotterdig woort de broelof geveerd
(van In Extremo)
De drucko i dagar de drucko i tre - - - Ze droonke dagelank, ze droonke vur driej
Men inte ville bruden ãt sängarne se - - - Me de broëd wool neet 't bid in
Uti rosen - - - Bleujende jeug
Drucko i tre - - - Ze droonke vur driej
Men inte ville bruden ãt sängarne se - - - Me de broëd wool neet 't bid in
Sã lyster det Jungfrun ãt högan loftet gã - - - De broëd rende blojend nao boete
Sã springer hon den vägen mot sjöastranden lãg - - - Ze rende nao 't meer
Uti rosen - - - Bleujende jeug
Högan loftet gã - - - Blojend nao boete
Sã springer hon den vägen mot sjöastranden lãg - - - Ze rende nao 't meer
Murge is 't 200 jaor gelaeje: d'r groetste veldsjlag vur d'r Uursjte Weldoorlog. Bekans gaene kint 'm; 't is d'r Sjlag bie Leipzig, van 16 pies 19 oktober 1813, tusje Napoleon en de 6e coalitie.
Ederaen kint Napoleon en och ederaen kint Waterloo (1815), d'r toch nao Rusland (1812), zienge veldtoch in Egypte, dat e van Corsica keem, zichzelf tot keizer kruunde en verbanne woord nao Elba en Sint Helena. Me bekans gaene kint Leipzig, terwiel e totaal neet oonbelangriek waor.
Tenge Frankriek zun in totaal 7 coalities gewes, eders kier van versjillende samesjtilling. Groët-Brittannië is alling bie de 4e coalitie neer d'r bie, me bie die andere eders kier. Vurname andere partieje zun Oosteriek en Rusland, die aafwisselend waal en neet mit dunt. Neet umdat ze neet wille, me umdat ze versjlage zun of umdat Napoleon e verdrag mit hun hat gesjlote. Vur de res dun soms klinger lande mit zoe wie: Zjwede, 't Ottomaanse Riek, Sakse, Pruusje, Holland/Nederland, Sjpanje, Portugal, Napels, Italië enz.
De uursjte 2 coalities zun nog tenge de Franse Revolutionaire van 1792-1797 en van 1799-1802. Napoleon wit de 3e coalitie te versjloon bie d'r Sjlag bie Austerlitz in december 1805. D'r Sjlag bie Jena en Auerstedt in oktober 1806 is de belangriekste uvverwinning tenge de 4e coalitie en d'r Sjlag bie Wagram is de belangriekste tenge de 5e coalitie in 1809. Me in dat jaor verluus Napoleon zienge uursjte groete sjlag, bie Aspern-Eßling, tenge de Oosteriekers. Dao verluus hee och zienge maarsjalk - en gojje vrund - Lannes. In 1810 trowt hee mit Marie-Louise va Oosteriek en dan is hee op zieng toppeunt va zieng mach.
Vanaf 1811 begint 't bergaaf te goe mit Napoleon. Hee kint ging controle kriege uvver 't Iberisch schiereiland. "Guerilla" is neet vur niks e Sjpaans woord. Hee hat zienge broor Louis kunning va Holland gemak in 1806, me in 1810 lieft e 't bie z'n keizerriek in, umdat Louis te Hollensj waor gewore. In 1808 hat e zienge andere broor Jozef kunning va Sjpanje gemak. Me och dae faalt, in Napoleons owwe. Napoleon wilt 'm goon helpe, me wurd tegeliek bedreigd dur 'n nuuj coalitie in 't ooste.
Rusland wil namelik Pole (op dat moment 't Hertogdom Warschau) inneme, dat oonder Franse controle sjtaet en ze wille och oet 't Continentaal Stelsel sjtappe. Napoleon wil zieng ouw tactiek wer toepasse: ten aanval! Dus hee trik in 1812 ten sjtrijde tenge de Russe, me vur waete wie dat aaflup: van de ruim 600.000 seldaote, kump amper 5% truuk. De Pruusje sjlete zich aan bie de coalitie van Groët-Brittannië, Oosteriek en Rusland en dis groëtmachte van Europa ruke hun kans. Me Napoleon wit mit e nuuj leger de Pruusje en Russe te versjloon in mei 1813. Och d'r Sjlag bie Dresde op 26-27 augustus is 'n Franse uvverwinning, me op 30 augustus verleze de Franse d'r Sjlag bie Kulm. Och luk 't de Franse neet um daonao Berlien in te neme. Och Beiere sjluut zich noe aan bie de coalitie, die dur de Duutsjers noe 'die Befreiungskriege' geneump were.
Napoleon trik zich truuk tot Leipzig. Dao sjtun zoe'n 195.000 Franse tengenuvver 350.000 Pruusje, Oosteriekse, Zjweedse, Sakse en Russische seldaote. Dur 't groete aantal nationaliteite wurd 't och wal d'r Volkeresjlag geneump. Ruum 90.000 seldaote gun doëd of zun gewond, zoe'n 30.000 Franse were gevange genome en nog 'n 5000 Franse laope uvver.
Op 16 oktober vilt Napoleon aan en wit nog bekans te winne. Roond 5 oor sjmiddigs lut hee zelfs de klokke loewe i Leipzig. Me hee misde juus e paar reservetroepe, die opgehouwe woorte, en e verluus. Op 17 oktober gebäört vrie wienig, behalve dat allebei de kante zich hergroepere en mit name de coalitie väöl versjterkinge kriet. Op 18 oktober valle de coalitielegers aan oonder leiding van d'r Oosteriekse maarsjalk Schwarzenberg. Bie de Pruusje hat maarsjalk Blücher de leiding en bie de Zjwede d'r kroënpreens Karel Johan, dae vur zieng adoptie dur d'r Zjweedse kunning nog es maarsjalk Bernadotte oonder Napoleon deende. Nao 9 oor vechte drieve ze de Franse truuk tot in de sjtad.
In die nach begint Napoleon zieng troepe truuk te trikke, uvver 'n brugk uvver de Elster. Schwarzenberg hat respec vur Napoleon en lut 'm zienge gaank goe. De Franse beende explosieve oonder de brugk, zoedat die neet in vijandelike han kin valle. In d'r naodemiddig van 19 oktober bleus alling 'nne bange Franse korporaal te vreug de brugk op en zoe were 30.000 Franse gedwonge zich uvver te geve.
De sjtad en 't gebied roond Leipzig liegk vol mit doeje en gewonde. Ze were uursj beroofd van hun klijjer, wapes en wat ze nog mië bie zich hubbe. Me ze motte nog begrave were. De bevolking wurd gedwonge um ze te begrave, aandersj were ze nao Siberië gesjik. Dat zou nog monde goon dore en d'r breke al gauw ziektes oet, wie cholera en tyfus.
Napoleon wurd truukgedreve tot achter de Rijn. De Hollendere verwelkomme op 30 november Willem Frederik, dae op 2 december kunning wurd. De coalitietroepe valle Frankriek binne en op 9 maart 1814 beje ze Napoleon zelfs 'n wapesjtilsjtand aan. Me dan mot hee al zieng veroverde gebiede truukgeve. Hee weigert. De legers valle op 30 maart Paries binne en op 6 april traejt Napoleon aaf en beneump zienge zoon tot keizer Napoleon II (3 jaor aod en op dat moment al op de vluch mit Marie-Louise). Op 11 april taekent Napoleon oeteindelik 't Verdrag van Fontainebleau, oemit hee aafsjtand daet van d'r Franse troën en och al zieng familielede. Hee maog keizer blieve, me alling van Elba.
Vur waete dat e dat neet lang volhult, e ontsjnapt, wit wer de mach uvver Frankriek te kriege, me wurd in Waterloo definitief versjlage en e sjtukske wiër verbanne: nao Sint Helena, oë hee in 1821 zal sjterve.
D'r Sjlag bie Leipzig is dis week dus 200 jaor gelaeje en dat wurd geveerd/herdach in en um Leipzig. 't Monument dat in 1913 is opgerich, is gans opgeknap. 't Waor namelik gans zjwart gewore van d'r raok van de industrie, me 't is noe wer gans zuver. Me ech sjoen is 't neet, 't is erg bombastisch, 'nne mix tusje germaans en communistisch. Los daovan wurd d'r vanalles gedoe dis week, 'n lezing mit o.a. Geert Mak en op zoondig 'living history'. Mië is hie te veende: http://www.voelkerschlacht-jubilaeum.de/
Syrië is, volges meech, e vurbeeld van modern imperialisme en kolonialisme. 't Zichtbare kolonialisme is nao WO II aafgenome, me 't gong oonzichtbaar dur. De Amerikane neumde 't zelf "het rode gevaar" es 't uvver de Sovjetunie en 't Communisme gong. Me de kapitalistische VS hubbe datzelfde gedoon, alling oonzichtbaar. Recente vurbeelde zun Afghanistan en Irak, me volges meech is och "de Arabische Lente" e vurbeeld daovan.
(Economic Hitman, in 't kort)
't Monetair sjtilsel is gebaseerd op sjuld. Geld kin alling mer gemak were es d'r sjuld tengenuvver sjtaet. Dat zieste bie deechzelf, este geld liëns bie de bank, me och banke en uvverhede gelle geld, dus hubbe sjuld. Dat zou ansich gae probleem zie, want 't ergste kump nog: rente. Este al 't geld op de weld hubs geliënd, kinse dat nooit truukbetale, want de huls ummer de rente uvver. Dus moste dat wer liëne en dao kump dan och wer rente op: 'n perpetuum mobile. De mos ummer mië truukgeve dan daste kroogs en dus moste 't in natura truukbetale: arbeid, ofwel moderne sjlaverniej. Edere werknemer is dus 'nne sjlaaf.
(Zeitgeist Addendum)
Datzelfde geldt och vur lan, die hubbe lieninge bie de Wereldbank of IMF en motte dao och rente an betale. Dun ze dat neet, dan merke ze de gevolge. Ze were och sjlaaf gemak en zoe wurd e wereldrijk zichbaar:
(Zeitgeist Addendum deel 1, Hollensj oondertiteld)
Villemann og Magnhild is e Noors leedsje, dat dao oonder versjillende name bekind is en wiër och in Zjwede, Denemarke en Iesland bekind is. In Duutsjland is 'n kortere versie bekind.
(dur Arve Moen)
't Leedsje is aod, middeliews, me wie aod precies en van wae en van oë, dat is neet bekind. 't Is väöl te hure op middeliewse evenemente en wurd dan dik gezonge esof 't uvver ruige vikinge gaet. Me 't is e romantisch verhaol, uvver Villemann en Magnhild.
(dur Villons Erben)
Villemann hat 'n brugk geboewd zoedat Magnhild kin vluchte. Me op de brugk roetsjt häör peerd oet en ze vilt in 't water. Dao wurd ze vasgehouwe dur 'n trol. Villemann sjpult op zieng harp en wit zoe Magnhild vrie te kriege en de krach van de trol te breke.
(Villeman og Magnhild)
Villemann gjekk seg te storan å, - - - Villemann (Wildeman) ging nao de rivier
Hei fagraste lindelauvi alle. - - - Nao de sjoenste van alle lindebeum
Der han ville gullharpa slå. - - - Dao woolt hee de gaodharp sjpeule
For de runerne de lyster han å vinne. - - - Want de rune gove hem väöl geluk
(dur Bergtatt)
Villemann gjenge for straumen å stå, - - - Villemann gong tenge de sjtreum in sjtoon
Mesterleg kunne han gullharpa slå. - - - Maesterlik koes hee de gaodharp sjpeule
(dur Rita Eriksen)
Han leika med lente, han leika med list, - - - Hee sjpulde ze fië, hee sjpulde ze sjlim
Og fugelen tagna på grønande kvist. - - - D'r voggel woort sjtil op d'r greune baom
(dur Storm)
Han leika med lente, han leika med gny, - - - Hee sjpulde ze fië, hee sjpulde ze hel
Han leika Magnhild av nykkens arm. - - - Hee sjpulde Magnhild vrie oet de erm van de trol
(dur Kari Tauring)
Men då steig trolli upp or djupaste sjø, - - - Toen sjteeg de trol oet de deeptes van 't meer
Det gjalla i berg og det runga i sky. - - - Ze rommelde in de berge en ze sjtorte neer in de wolke
(dur Milwaukee)
Då slo han si harpe til bonns i sin harm, - - - Toen sjloog hee de harp, mit alle gebundelde woede
Og utvinner krafti av trollenes arm. - - - En noom toen alle krach en mach van de trol.
Syrië is al 2,5 jaor lank 't toneel van 'nne gruwelike burgeroorlog. Me dae naam dik neet gans de lading, want 't is neet alling 'nne binnelandse oorlog. In edere oorlog sjpeule buurlan en de groëtmachte 'n rol. Neem alling al de "neutraliteit" van Nederland in d'r Uursjte Weldoorlog. Nederland hat good verdeend an dae versjrikkelike "Groete Oorlog". Nederland verkoch neet alling wapes an allebei de kampe, Nederland hou vanaf 1900 de groetste cocaïnefabriek, oë cocaplante oet Nederlands-Indië woorte verwirk tot cocaïne. De fabriek kroog 'n vriesjtilling van 't exportverbod op medische producte. Zoe koeste bevurbeeld luuj in Ingeland kadootjes sjikke nao hun familielid an 't front, oë dan cocaïne en sjterke drank in zoot. Want alling die combinatie mak 'nne miensj zoe gek um de laopgrave oet te kroepe en rech de kuggel in te renne.
Vur waete dat d'r Kouwe Oorlog nooit ech oetgevochte is, me och waet vur dat bekans alle oorloge, conflicte en e groët aantal "incidente" in dae tied gerelateerd waore an dae Kouwe Oorlog. Neem noe d'r oorlog in Vietnam, dae kinse neet los zie van d'r Kouwe Oorlog. 't Zelfde geldt vur d'r Koreaoorlog, Cubacrisis, Hongaarse Opsjtand, Praagse Lente en natuurlik Afghanistan. Och nao d'r Kouwe Oorlog waore bevurbeeld de Golfoorloge van '91 en '03 dudelik mit boetelanse inbring.
Eder land hat dus belange in 't boeteland en wil vrun te vreund houwe en wil vijande 't leefste kwiet. Mit name de groëtmachte investere dao väöl in. Bie de NAVO/Marshallhulp en Warschaupact is die invloed dudelik, me bie 'n gans aantal gebäörtenisse is dat neet zoe dudelik. Zoe hat de Amerikaanse CIA e gans plan um invloed te kriege / houwe in 't boeteland.
Veer kinne de Middeliëwe vurral es 'nne duustere tiëd. Vur koppele ze drek an de pest, heksevervolging, honger, ridders en horige boere. Me este deech e bietsje d'rin verdeeps, zun ze väöl rieker dan dat veer deenke.
Op de uursjte plaatsj mot vur van 't vuroordeel aaf dat veer deenke dat tusje de val van 't Romeinse Riek en de Renaissance niks gebäörd is en d'r tiëd zelfs achteroet gong. Vur kinne al 'ns beginne mit ze op te sjplitse in grofweg 3 periodes: de vreuge, de hoëge en de late middeliëwe. De hoëge (of hoofse) middeliëwe zun ongeveer van 1000 pies 1200 en de ander natuurlik d'r vur en d'r nao. De hoofse periode is d'r tiëd van de kruustochte, de ridders en jonkvrouwe. Och de dicht- en zangkunst kump dan fleenk op. Neem noe dit leed:
(Palästinelied van Walther von der Vogelweide)
't "Palästinalied" is gesjreve dur d'r bekindste Duutsje middeliëwse dichter Walther von der Vogelweide. Dae laefde oongevaer van 1170 pies 1230 en dit leed is 't enige oë och de melodie van bewaard is gebleve. 't Gaet uvver d'r viefde kruustocht (1217-1221) en 't is neet zekker of Walther dao zelf an mitgedoe hat.
Álrêrst lébe ich mir werde, - - - Vur 't uursj laef eech waerdig,
sît mîn sündic ouge siht - - - sinds mieng zondige owwe zeen:
daz here lant und ouch die erde, - - - 't reine land en och de aerd,
der man sô vil êren giht. - - - dat me zoe väöl iër gieft.
ez ist geschehen, des ich ie bat: - - - 't Is gebäörd, oë eech vur baejde:
ích bin komen an die stat, - - - eech bin op de plaatsj gekomme,
dâ got menischlîchen trat. - - - oë God miensj gewore is.
(Palästinalied van Annwn)
Schoeniu lant, rîch unde hêre, - - - Sjoen land, riek en heerlik,
swaz ich der noch hân gesehen, - - - wat eech tot noe hub gezie;
sô bist dûs ir aller êre. - - - Deer zeut al hun kroëne.
waz ist wunders hie geschehen! - - - Wat e woonder is hie gebäörd!
daz ein magt ein kint gebar, - - - Dat 'n maagd e keend baarde,
hêre über áller engel schar, - - - verheve bovve 't ingeleriek;
wáz daz niht ein wunder gar? - - - waor dat gae gans woonder?
(Palästinalied van Qntal)
Hie liez er sich reine toufen, - - - Hie leet d'r Reine zich däöpe,
daz der mensche reine sî. - - - zoedat d'r miensj wer rein zou zie.
dô liez er sich hie verkoufen, - - - Dan leet Heë zich verkaope,
daz wir eigen wurden frî. - - - zoedat veer, liefeigene vrie zouwe zie;
anders waeren wir verlorn. - - - aandersj wuur veer verlore.
wól dir, spér, kriuze únde dorn! - - - Gezengend bis Deech, sjpeer, kruus en doorn!
wê dir, heiden, dáz ist dir zorn! - - - Wee deer, heidene, dat is euche toorn!
(Palästinalied)
Dô ér sich wolte über úns erbarmen, - - - Umdat e genade vur os hou;
dô leit er den grimmen tôt, - - - umdat e d'r wrede doëd liejde:
ér vil rîch über úns vil armen, - - - Hee, zoe almachtig, uvver oos, zoe ermzelig,
daz wir komen ûz der nôt. - - - zoedat veer oet de ellende kaome.
daz in dô des niht verdrôz, - - - Dat hat 'm neet geïriteerd,
dâst ein wunder alze grôz, - - - dat is e groët woonder,
aller wunder übergenôz. - - - van alle woondere, zoe groët
(Palästinalied van In Extremo)
Kristen, juden und die heiden - - - Christene, jude en heidene
jehent, daz díz ir erbe sî. - - - bewaere dat dit hun erfgood is.
gót, müeze éz ze rehte scheiden - - - God mot 't iërlik bepale
durch die sîne namen drî. - - - dur zieng driej name.
al diu werlt, diu strîtet her: - - - De ganse weld sjtriejt hie uvver:
wir sîn an der rehten ger. - - - Veer sjtun an d'r gojje kant;
reht ist, daz er uns gewer! - - - Good, umdat hee dat zoe bepaald!
