D'r Limburgse sjriever Ton van Reen hat de aafgelaope weke 'n verkezing gehouwe. In plaatsj van "D'r Groëtste" wool heë dis kiër d'r "Sjlechste" Limburger keze. Hiëvur hou heë zelf al 'n vurselectie gemak van 3 Limburgers, oet 3 versjillende tiëdperke en van 3 versjillende disciplines:
Max graaf de Marchant et d'Ansembourg * 18 januari 1894 - † 24 januari 1975 Gouverneur va Limburg ('41-'44 NSB) In die hoedanighaed mede-verantwoordelik vur massadeportaties en moorde 2e Kamer ('37-'40 NSB en fractievurzitter) 1e Kamer ('35-'37 NSB) Prov. State ('27-'30 RKSP en '35-'37 NSB) Burgemaester va Amsterao ('25-'34)
Petrus Regout * 23 maart 1801 - † 18 februari 1878 Groët-industrieel / fabrieksdirecteur 1e Kamer (1848-1859) Verantwoordelik o.a. vur: 350 sjterftes an cholera, dur ondervoeding 500 kraamsjterftes (mit name doëdgebore baby's)
Nicolaes Dillenburg (of Tillenborg) Actief tusje 1734 en 1778 Beul / "scherprechter" mit name van vermeende 'bokkeriejers' 250 executies in Oosterieks 's Hertogenrade 40 executies in Oosterieks Valkeberg paar hoonderd executies in ander gebiede, o.a. Aoke paar hoonderd heurmoorde, o.a. in Gelre en talloze martelinge, die neet zelde tot d'r doëd hubbe geleid
Al zoe'n 400.000 jaor gelaeje taekende 'nne vurouwer van d'r miensj e figuur op 'n sjelp. Vur waete neet wat e daomit hat wille zigke, mè wal dat dit bewus gedoon is, dus mit 'n raeje en neet zoemer per oongeluk. En 15.000 jaor gelaeje hubbe luuj al taekeninge gemak in grotte in Sjpanje en Frankriëk. Ze taekende mit name de dere oë ze op jaagde en ze taekende zichzelf, luuj, jagers. En zoe'n 5,5 doëzend jaor gelaeje taekende luuj litters, wäörd; 't sjrif waor oetgevoonde.
Mit dat sjrif en mit de pen hubbe luuj hun gedechtes en vursjtillingsvermoge (dat wat oos oondersjeijd van dere) op kinne sjrieve en dur tiëd en aafsjtand kinne verplaatsje. Mit de pen woorte prachtige taekeninge gemak. Mit de pen woorte gezichte en name veriëwigd. Mit de pen woorte ingewikkelde ideë en wetensjap opgesjreve. Mit de pen woorte nuuj oetgevoonde mesjienger en hoëzer ontworpe. Mit de pen woorte grappe gesjreve en getaekend, wie de penne die zichzelf taekene van M.C. Escher (bove). Mit die pen gun vur eders kiër sjtimme - mesjien wal op Le Pen - en lot vur waete wat oos miening is en wae oos maog leide. En mit diezelfde pen woorte beuk gesjrieve, wie The Lord of the Rings, de Thora, Mein Kampf, d'r Biëbel, La Divina Comedia, de Koran en och de Kamasutra en de IKEA-gids.
Mit de keerk hub eech 'n haat-leefde-verhouding. Zoe geleuf eech totaal neet, mè hub ummer de verhaole, mit name de evangelies, hiel erg interessant gevoonde. Wie erg eech de dogma's roond geboorteplanning en euthanasie veend, zoe geweldig vin eech de dogma's roond driejvuldighaed en transsubstantiatie. En terwiel eech inzeen dat hun machspositie dik de oorzaak is van misbruuk, erkin eech nog mië 't belang van religie es beendmiddel in 'n samelaeving. En wie .. eech waor mit de conservatieve ideeë van de litste pause, zoe bliej bin eech mit de oetsjprake van d'r nuje paus: Franciscus I.
Op 28 februari 2013 traejt - nao bekans 8 jaor - paus Benedictus XVI aaf (in e riejke van aaftraejende Europese vorste: Nederland, Belsj, Sjpanje), es uursjte paus in ruum 700 jaor. Normaal wurd 'nne paus pas opgevolg es e sjtirft, 't is dus uniek dat d'r noe 2 pause laeve. Och waor 't abnormaal wie sjnel 'nne nuje paus gekoze waor (op 13 maart, 2e dag van 't conclaaf), heë is d'r uursjte oet de Nuuj-Weld, d'r uursjte jezuïet en och uniek is zienge naam. Nog nooit droog 'nne paus d'r naam van Franciscus van Assisi.
Hie get oetsjprake van paus Franciscus op e riejke:
13 maart 2013 - Habemus Papam (vur hubbe 'nne paus): "Buona sera"
Bergoglio laef al jaore in soberhaed en dit hult e och es paus vol. Heë begruut de luuj mit 'n seempel "gojjenaovend", dreug ging deur gewade mè seempel wit, hat 'nne zilvere i.p.v. gouwe vissjersreenk en keest d'r naam van 't sjoëlvurbeeld van soberhaed - "apostel van de erm luuj" - Franciscus van Assisi. Heë gaet och neet in 't paliës woene, mè in 't gasteverbliëf en op d'r aovend dat e gekoze waor, pak e same mit de kardinale gewoën de bus truuk nao 't hotel.
19 maart 2013 - Nao de inaugurele mis vuurt d'r paus neet in d'r gesjlote mè 'nne ope pausmobiel en heë sjtapt zelfs oet um 'nne gehandicapte te begroete:
24 mei 2013 - "Jezus is och gesjtorve vur oongeläövige"
juli 2013 - "Es 'nne homo van gojje wil is en God zeukt, wae bin eech um 'm te veroordele?"
11 sept 2013 - Paus wil 'n dialoog tusje christene en oongeläövige.
26 jan 2014 - Paus reup op tot vraej in Oekraïne en lut 2 doeve los.
27 april 2014 - Paus verklaort Johannes Paulus II en Johannes XXIII hillig.
25 mei 2014 - Op Westelikke Jordaanoever reup d'r paus op tot vraej tusje Israël en Palestina.
21 juni 2014 - Paus reup maffia op um berouw te toëne.
14 sept 2014 - Paus trowt 20 koppels, o.a. 'n vrow die al e keend hat en koppels die al samewoene
19 okt - 2014 - Paus verklaort Paulus VI zalig.
25 nov - 2014 - Europees Parlement
29 nov 2014 - Paus ontmoet in Turkije patriarch Bartholomeus en moefti Rahmi Yaran. Heë reup op tot dialoog tusje de godsdeenste en vrug moslimleiders op te sjtoon tenge extremiste.
22 dec 2014 - Paus beneumt 15 'kwale' oë de curie an liejt // Paus wurd dur EU (Martin Schulz) vurgedrage vur Nobel Vredespriës, n.a.v. de toenadering tusje Cuba en de VS.
24 dec 2014 - Paus belt op keersjaovend mit christelikke vluchtelinge in Irak.
25 dec 2014 - Paus neumt mit name alle keender en de oorlogssjlachtoffers in Irak en Syrië.
25 jaor
1990 - Vrielotte Nelson Mandela / Kunning Boudewijn traeje aene dag aaf / Irak vilt Koeweit binne / Sovjet-Unie vilt oetaen / Inveuring Rechte van 't Keend / DDR-lan were BRD / Hubble-telescoop
50 jaor
1965 - Es gevolg van Twiede Vaticaans Concilie zun de misse neet mie alling in 't Latien (8 dec)
1965 - In de ruimtewedloop hubbe de Sovjets och de 1ste ruimtewandeling (18 maart)
75 jaor
1940 - Op 10 mei valle Duutsje seldaote Nederland en Belsj binne
100 jaor
1915 - Albert Einstein sjtilt, 10 jaor nao de Speciale, de Algemene Relativiteitstheorie op
In WO I: Chloorgas wurd vur 't uursj gebruuk, Italië kiërt zich tenge Oosteriek, mislukte aanval van Ingelsje op Galipoli en de Ottomane begun de Armeense genocide in WO I
150 jaor
1865 - Gregor Mendel besjrieft de erfelikhaedsprocesse van genetica
175 jaor
1840 - Op 7 oktober traejt kunning Willem I aaf; op 28 november opgevolg dur Willem II
200 jaor
1815 - Op 18 juni vindt Napoleon 'zië Waterloo' nao zieng heroplaeving van 100 daag
225 jaor
1790 - 9 Provincies van de Oosteriekse Nederlande komme in opsjtand en vurme de "VS van Belsj"
275 jaor
1740 - Begin Oosteriekse Successieoorlog, dae eindigt tijdens Beleg va Mestrich mit Vraej va Aoke
400 jaor
1615 - Schouten en Le Maire vare es uursjte um Kaap Hoorn (Zuid-Amerika) heen
500 jaor
1515 - Op 14 september versjlaet d'r Franse kunning Frans I de Zjwitsers bie Marignano
600 jaor
1415 - Op 25 oktober were de Franse versjlage dur Ingeland bie Azincourt in d'r 100-jäörige oorlog
800 jaor
1215 - Kunning Jan Zoonder Land trik nao 2 mond zieng gedwonge oondertaekening van de Magna Carta in en daomit begint d'r uursjte Baronneoorlog
900 jaor
1115 - Op 8 juli sjtirft Peter d'r Kluizener, leider van de Volkskruustoch i 1095-1096
1000 jaor
1015 - Op 30 november wurd i Luuk de St. Bartholomeuskeerk iggewiejd
