Fietsrenne 2014

Klassiekers

Milaan - San Remo
1. A. Kristoff
2. F. Cancellara
3. B. Swift

Runde va Vlaandere
1. F. Cancellara
2. G. van Avermaet
3. S. Vanmarcke

Paries - Roubaix (foto)
1. N. Terpstra
2. J. Degenkolb
3. F. Cancellara

Amstel Gold Race
1. P. Gilbert
2. J. Vanendert
3. S. Gerrans

Waalse Pijl
1. A. Valverde
2. D. Martin
3. M. Kwiatkowski

Luuk - Bastenake - Luuk
1. S. Gerrans
2. A. Valverde
3. M. Kwiatkowski

San Sebastian (foto)
1. A. Valverde
2. B. Mollema
3. J. Rodriguez

GP Quebec
1. S. Gerrans
2. T. Dumoulin
3. R. Navardauskas

GP Montreal
1. S. Gerrans
2. R. Costa
3. T. Gallopin

Runde va Lombardije
1. D. Martin
2. A. Valverde
3. R. Costa

Kling Rundes

Paries - Nice
1. C. Betancur
2. R. Costa
3. A. Vichot

Tirreno - Adriatico
1. A. Contador
2. N. Quintana
3. R. Kreuziger

Runde va Baskeland
1. A. Contador
2. M. Kwiatkowski
3. C. Peraud

(Wout Poels wint kunninginne-etappe in Baskeland)

Runde va Romandië
1. C. Froome
2. S. Spilak
3. R. Costa

Dauphiné Libéré
1. A. Talansky
2. A. Contador
3. J. van den Broeck

Runde va Zjwitserland
1. R. Costa
2. M. Frank
3. B. Mollema

Runde va Pole
1. R. Majka
2. I. Izaguirre
3. B. Intxausti

Eneco Tour
1. T. Wellens
2. L. Boom
3. G. van Avermaet

Groete Rundes

(Nairo Quintana wint Giro)

Giro d'Italia
1. N. Quintana
2. R. Uran
3. F. Aru
4. P. Rolland
5. D. Pozzovivo

Tour de France
1. V. Nibali
2. C. Péraud
3. R. Bardet
4. A. Valverde
5. T. Vangarderen

(de truie in d'r Tour)

Vuelta a España
1. A. Contador
2. C. Froome
3. A. Valverde
4. J. Rodriguez
5. F. Aru

Nationale Kampioene

Australië: S. Gerrans
Belsj: J. Debusschere

Canada: S. Tuft
Duutsjland: A. Greipel
Finland: J. Veikkanen
Frankriek: A. Démare
Italië: V. Nibali
Luxemburg: F. Schleck
Nederland: S. Langeveld
Nuuj-Ziëland: H. Roulston
Oosteriek: R. Zoidl
Portugal: N. Oliveira
Rusland: A. Porsev
Sjpanje: I. Izagirre
Slowakije: P. Sagan
Tsjechië: Z. Stybar
Verenigd Kunninkriek: P. Kennaugh
Wit-Rusland: Y. Hutarovich
Zjwitserland: M. Elmiger

WeldKampioensjap

Plogetiedrit - mansluuj
1. BMC
2. Orica - GreenEdge
3. Omega Pharma - Quick Step

Plogetiedrit - vrolluuj
1. Specialized - Lululemon
2. Orica - AIS
3. Astana - Be Pink

Tiedrit - mansluuj
1. Bradley Wiggins
2. Tony Martin
3. Tom Dumoulin

('nne Sjeng op 't WK-podium, wae hou dat gedach?)

Tiedrit - vrolluuj
1. Lisa Brennauer
2. Anna Solovey
3. Evelyn Stevens

WK - mansluuj
1. Michal Kwiatkowski
2. Simon Gerrans
3. Alejandro Valverde

WK - vrolluuj
1. Pauline Ferrand-Prevot
2. Lisa Brennauer
3. Emma Johansson

WorldTour (mansluuj)
1. A. Valverde
2. A. Contador
3. S. Gerrans
4. R. Costa
5. V. Nibali

(Marianne Vos wint uursjte "La Course" op Champs-Élysées)

Weldbekker (vrolluuj)
1. E. Armitstead
2. E. Johansson
3. K. Wild
4. A. v.d. Breggen
5. M. Vos

Weldoorrecord

51,850 km - Matthias Brändle
30 oktober 2014

51,110 km - Jens Voigt
18 september 2014
Teves zieng litste wapefeit es profrenner

Sjtoppe nao seizoen 2014:
Jens Voigt (43), etappezeges Giro & Tour, gaele trui in 2001 & 2005, 5 x Criterium International
Danilo Hondo (40), Duutsj kampioen 2002, 2e en 3e etappe Giro '01 (7x Giro, 5x Tour, 4x Vuelta)
Nicki Sörensen (39), 4x Deens Kampioen, etappe in Tour & Vuelta (3x Giro, 10x Tour, 6x Vuelta)
Karsten Kroon (38), etappe in Tour 2002, Rund um den Henninger-Turm 2004 & 2008, 2e in AGR
David Millar (37), 10 etappes in Giro, Tour en Vuelta, Tiedrit Gemenebest 2010 en 2e WK Tiedrit
Cadel Evans (37), WK 2009, Tour 2011, 2x 2e Tour, 3e Giro, 3e Vuelta, Waalse Pijl 2010
Thor Hushovd (36), WK 2010, 14 etappes in Giro, Tour, Vuelta, Gent-Wevelgem 2006
Frederik Willems (35), rit in Ster-Elektro, eindzeges Ster van Bessèges en 3-D. Panne-Koksijde
Allan Davis (34), Commonwealth Games 2010, 2e op WK 2010 en 2e in Milaan-SanRemo 2007
Juan José Haedo (33), Rund um Köln 2007 & 2010, ritzeges in Vuelta, Tirreno en Dauphiné
Kenny van Hummel (32), Etappes in Rondes van België, Noorwegen, Turkije, 4-D. Duinkerke
Floris Goesinnen (31), Nat. Sluitingsprijs Putte-Kapelle 2007 en 1e etappe Tour de l'Ain 2008
Martijn Maaskant (31), Runde van Normandië en van Drenthe 2007, 4e in Vlaandere & Roubaix
Andy Schleck (29), 1e in Luuk-Bastenake-Luuk 2009 en 2e in Giro 2007 en Tour '09, '10, '11

En: Sébastien Hinault (40), Iván Gutiérrez (36), Koldo Fernández (33), Nico Sijmens (36), Frederik Kessiakoff (34), Jurgen van Goolen (34), Olivier Kaisen (31), Johan Tschopp (32), Tomas Vaitkus (32) en Thomas Löfkvist (30)

Gaet of wil nog e jaor dur:

Davide Rebellin (43), AGR, Waalse Pijl, LBL ('04), Emilia ('14) - verlengt bie CCC-Polkowice

Christopher Horner (43), Baskeland 2010, Californië 2011 en Vuelta 2013 - bie Airgas-Safeway
Alessandro Petacchi (40), 22 etappes in Giro, 20 in Vuelta, 6 in Tour, Milaan-SanRemo in 2005

Graspop 3

Graspop hou dit jaor 'n pre-party op d'r donderdigaovend, dae woort aafgesjlote dur de nuuj Metalsensatie van Belsj, o.l.v. vurmalig cabaretier Alex Agnew:

(Diablo Blvd)

Zieng band, Diablo Blvd:

(Saint of Killers)

Festivals zun ummer 'n mengeling van nuuj bands, mè och ouw helde, zoe wie Sepultura:

(Sepultura)

En oet diezelfde jaore '90 zun dis Grunge-helde van Soundgarden:

(Soundgarden)

(Sabaton)

Um de liës an variëteite compleet te make, waor och Sabaton dao:

(Primo Victoria)

(Carolus Rex)

Vur de res waor nog dao: Black Label Society, Avengde Sevenfold, Alter Brigde, Mastodon, Dillinger Escape Plan, Seether, Doro, Gojira, Rob Zombie, Ghost en och vaste prik, mè zoe sjlech: Slayer...

(Black Label Society)

Es aafsjleter, dus nao headliner Black Sabbath, hou Graspop nog 'n verrassing vur os: d'r frontzenger van Diablo Blvd en vurmalig cabaretier Alex Agnew driejde diek 'n oor de bitste rock en metal oonder d'r naam: DJ Diablo!

Graspop 2

Och 'nne andere headliner sjtong op mie favorietelieske: Volbeat

'n Geweldige sjtim en ideale muziek vur op festivals, op d'r radio, oonder 't fietse en mit name um zelf mit te zinge. Och vur d'r zoeväölste kiër blieve ze erg good:

(Lonesome Rider)

Jeugsentiment blief Limp Bizkit. Hub ze pas aene kiër gezie (dat waor aeglik och genog) en dat waor in 2001, zoe roond hun hoegtepeunt. Fred Durst is d'r neet op väöroet gegange, sjterker nog, in die 13 jaor leek hee wal 25 jaor ouwer gewore. Hun aege best-of-nummers sjpulde ze wal good, mè dur Metallica en Rage against the Machine te goon covere, plus dan nog hun 'aege' covers van The Who's Behind Blue Eyes en George Michaels Faith

(Limp Bizkit)

'n Aander nuuj sensatie is de glam-rock-80's-band Steel Panther. Ze besjtun pas e paar jaor, mè hubbe de Glamour Rock opnuuj oetgevoonde en pies in de peuntjes geperfectioneerd, in tekste, muziek en vrolluuj:

(Party All Day)

Walls of Jericho koes eech och nauweliks, mè veel neet tenge:

(Walls of Jericho)

Nog 'n - vur meech - nuuj band, is Eluveitie. Loester en geneet:

Graspop 1

7 jaor nao mienge litste kiër, gong vur wer 'ns truuk nao Graspop Metal Meeting, "GMM" of gewoen "Graspop".

(Ozzy Osbourne & Tony Iommi)

Juus wie 7 jaor gelaeje, sjtong och noe d'r Ozzy Osbourne es headliner op 't programma. Dis kiër neet solo, mè mit de band oë hee groët mit gewore is: Black Sabbath. Ze brachte zelfs e nuuj album oet en de volgende hit daovan dege ze och live:

(God is dead?)

Vaste gast op Graspop - en eder heller festival - is natuurlik Hatebreed. Wie ummer, lekker sjtrak en hel, zoe wie 't huurt!

(Hatebreed)

(Alestorm)

'n Verrassing vur meech waor zekker Alestorm, mit hunne Pirate-Metal. Ze troojte op es uursjte band, vuls te vreug dus, mè 't publiek waor massaal, in hun pirate-outfits, aanwezig!

(Wolves of the Sea)

Och 'n - vur meech - nuuj band, waor 't Japanse Crossfaith en zoe wie 't Jappe betaamt: wie duller, wie better! Compleet mit stage-dive, bovenop 't podium klimme en gank zoe mer dur..

(Crossfaith)

Oondertusje al bekans aodgedeende - in eder geval zekker ging verrassing - is Alice in Chains. Good wie ummer:

(Alice in Chains)

Genete dus!

Top Klassiek 3

Op dis website were de - volges hun - 100 bitste klassieke muzieksjtukke geneumd.

Nao de opera's en symfoniesjtukke, noe e lieske mit mieng top 10 favoriete misse en keerksjtukke:

1. "Requiem"-mis van W.A. Mozart (nao zienge doëd aafgemak dur Süßmayr) en mit name 't Dies Irae en dao-oet 't Confutatis. 't Requiem is 'n doejemis, die bie de begreffenis of 'nne jaordeens wurd opgedrage an 'nne doeje. In dis mis ontbreke 't Gloria en 't Credo, mè ander sjtukke zitte juus alling in dis mis, zoe wie 't Dies Irae, de Dag der Wraken. Teggewoordig wurd dit neet mie gezonge. 't Gaet uvver 't hellevuur dat luuj te wachte sjtaet en de sjmeekbede um daovan besjpaard te blieve. Mit name in dit Confutatis huurste in de mansluujsjtimme 't hellevuur en in de vrolluujsjtimme de ingele die sjmeke um vergeving.

(Mozart - Requiem)

2. "Jesu bleibet meine Freude" van J.S. Bach.

(Bach - Jesu bleibet meine Freude)

3. "Hallelujah" oet Messiah van G.F. Händel.

(Händel - The Messiah)

4. "Dies Irae" oet de Requiemmis van Verdi.

(Verdi - Requiem)

5. "Gloria" oet de Missa Brevis no.7 van Gounod.

(Gounod - Missa Brevis no.7)

6. "Credo" oet de Große Messe van W.A. Mozart.

(Mozart - Große Messe in C-mol)

7. "O Haupt voll Blut und Wunden" oet de Matthäuspassion van J.S. Bach.

(Bach - Matthäuspassion)

8. "Benedictus" van Jenkins

(Karl Jenkins - Benedictus)

9. "Ave Verum Corpus" van Edward Elgar

(Elgar - Ave Verum Corpus)

10. "Panis Angelicus" van César Franck

(Franck - Panis Angelicus)

Lloyd Webber - Pie Jesu
Chopin - Marche Funèbre
Mozart - Benedictus (Mis in G major, KV 140)
Haydn - Paukenmesse
Schubert - Ave Maria

Top Klassiek 2

Op dis website were de - volges hun - 100 bitste klassieke muzieksjtukke geneumd.

Hou eech uursj 'n liës mit operasjtukke, hie e lieske mit mieng top 10 favoriete symfoniesjtukke:

1. "Ode an die Freude" oet de 9e Symfonie van Ludwig von Beethoven. Och bekind es Europees Volksleed en mesjien juus zoe bekind es zieng 5e symfonie: TA TA TA TA.

(Beethoven - Ode an die Freude)

2. "O Fortuna" oet de Carmina Burana van Carl Orff. Hee makde zienge aege muziek op dis middeliëwse sjrifte en gedichte, die in dit sjtuk de Godin van 't Lot (Fortuna) bezinge.

(Orff - Carmina Burana)

3. "Boléro" van Maurice Ravel, dat begint mit 'n sjerpe trom die 't ganse sjtuk d'r zelfde raegel herhaalt en oe eder instrument dezelfde melodie uvvernimt in ing groete crescendo.

(Ravel - Bolero)

4. "1812" van Pjotr Iljitsj Tchaikovsky, gesjreve en vur 't uursj opgeveurd bie de eupening in 1882 van de Christus Verlosserkathedraal in Moskou, die geboewd is ter iere van de uvverwinning op Napoleon.

(Tchaikovsky - 1812)

5. "Land of Hope and Glory" oet Pomp and Circumstance van Edward Elgar.

Land of hope and glory, Mother of the free

How shall we extoll thee, Who are born of thee?
Wider still and wider shall thy bounds be set
God who made thee migthy, make thee mightier yet

(Elgar - Pomp and Circumstance)

6. "Ridderdans" of Montagues & Capulets oet Romeo & Juliet van Sergei Prokoviev.

(Prokofiev - Romeo & Juliet)

7. "Can Can" oet Orpheé aux enfers (Orpheus in de oonderweld) van Jacques Offenbach. Och de Sabeldans van Aram Khachaturian wurd es 'nne cancan-dans gezie.

(Offenbach - Orpheus in the Underworld)

8. "40e Symfonie" van Wolfgang Amadeus Mozart.

(Mozart - 40e Symfonie)

9. "Die Walküre" of Ride of the Valkyries van Richard Wagner.

(Wagner - Die Walküre)

10. "Toccata" en Fugue van Johann Sebastian Bach. Ok, 't is ging symfonie of orkessjtuk, mè 't is te bekind um zoemer uvver te sjloe..

(Bach - Toccata & Fugue)

En natuurlik houwe d'r och ander sjtukke in kinne sjtoe, wie de Veer Jaorgetieje van Vivaldi, de Sacre de Printemps van Stravinsky, Dvorak, Rachmaninov, Sjostakovitsj, Strauss, Grieg, Liszt en versjillende volksledere..

Top Klassiek 1

Op dis website were de - volges hun - 100 bitste klassieke muzieksjtukke geneumd.

Van piano- en vioëlconcerte bin eech neet zoe'ne fan, mè opera's, symfonië en väöl misse kinne meech wal bekore.

Hie mieng aege top 10 van operasjtukke:

1. "Brindisi" (dreenkleedsje) oet d'r opera La Traviata (de dolende) van G. Verdi.
De courtisane Violetta gief e fiës (mit 't dreenkleedsje) en dao verklaort Alfredo häör de leefde. Ze gun samewoene op 't Franse platteland, mè dan dwingt zienge pap häör um hem te verlotte. Hee wurd koëd op häör, mè es hee te waete kump dat ze dit oonder dwang deeg, vrug hee um vergeving en die kriet hee, terwiel zie in zieng erme sjtirft.

(G. Verdi - Il Traviata)

2. "Der Vogelfänger bin ich ja" oet d'r opera (soms uursjte musical geneumd) Die Zauberflöte van W.A. Mozart.
Och dizze opera is hiel sprookjesachtig en hat mierdere depere laoge van betaekenis. Bekindste sjtuk is "die Königin der Nacht", mè och de ontmoeting tusje Papageno en Papagena: "pa pa-pa, pa pa-pa, pa-pa-pa-pa" enz. Papageno sjtaet symbool vur de natuur in d'r miensj en is helper van Tamino, dae op zeuk is nao Pamina, de dochter van 'die Königin'.

(W.A. Mozart - Zauberflöte)

3. "Anvil Chorus" (Aambeeld koor) of "Coro di Zingari" (Zigeunerkoor) oet d'r opera Il Trovatore (d'r Troubadour) van G. Verdi.
D'r Graaf Di Luna en d'r troubadour Manrico sjtrieje um de leefde van Leonora, gravin van Sargosto. D'r Graaf hat zie breurke verlore nao 'n beheksing van 'n zigeuner. Pas es d'r Graaf d'r troubadour Manrico hat lotte exercutere, mak Azucena (de mam van Manrico) bekind dat zie neet 't breurke, mè häör aege keend hat verbrand en dat Manrico dus 't bewuste breurke is en dat Di Luna dus z'n aege breurke hat lotte onthoofde.

(G. Verdi - Il Trovatore)

4. "Barcarolle" (Gondelleedsje) oet d'r opera Les Contes d'Hoffmann (Vertillinge) van Offenbach.
D'r dichter Hoffmann vertilt in driej verhaole uvver zieng oonbereikbare of mislukte leefdes. Oeteindelik gaet zienge vijand mit die leefde laope en hee verluus zichzelf in d'r drank.

(Offenbach - Tales of Hoffsmann)

5. "Habanera" oet d'r opera Carmen van G. Bizet.
Carmen wirk mit e gans dael vrolluuj in 'n sigarefabriek in Sevilla. Zie is de verleidelikste en ze wit och d'r brigadier Don José te verleide, terwiel hee aeglik mit Micaëla zou trowwe. Es Carmen nao 'n vechpartiej vas zit, bevriejt Don José häör, mè kump dan zelf vas te zitte. Hee vermoord zienge baas Zuniga en wurd zoe gedwonge zich bie de sjmokkelerre aan te sjlete. Carmen mot oondertusje al nix mie van hem hubbe en is gevalle vur d'r sjterevechter Escamillo. Don José wit hem in e duel te versjloon en Carmen vurkumt dat e hem vermoordt, mè noe mot ze gaar nix mie van 'm hubbe. Es ze zich wer tengekomme in de arena, sjtik Don José Carmen neer, op 't zelfde moment es dat Escamillo d'r sjteer versjlaet en 't publiek begint te juiche.

(G. Bizet - Carmen)

6. "Nessun dorma" oet d'r opera Turandot van G. Puccini.
Turandot is gebaseerd op e sprookje mit d'r zelfde naam en gaet uvver 'n Chinese prinses die Turandot heesj, die de dochter is van d'r keizer. Edere preens dae mit häör wilt trowwe, mot 3 raadsels oplosse en andersj volgt executie. D'r preens Calaf lost ze oeteindelik op.

(G. Puccini - Turandot)

7. "Commendatore" oet d'r opera Don Giovanni van W.A. Mozart.
Don Giovanni is 'nne vrolluujversjlinder, vermoordt zelfs d'r pap (Il Commendatore) van ae maedsje (Donna Anna) en ummer mië luuj zun oet op wraak. Totdat Don Giovanni op d'r keerkhof bie 't graf van Il Commendatore tenge e beeld reup dat e oetgenudig is vur 't ete; 't beeld knik. Oonder 't ete liek 't beeld vur de däör en 't reup Giovanni op um z'n leve te bettere, mè hee weigert en wurd dur helse vlamme verzjwolge.

(W.A. Mozart - Don Giovanni)

8. "Slavenkoor" oet d'r opera Nabucco van G. Verdi.
Nabucco is gebaseerd op e biebels verhaol. D'r kunning van Babylon, Nabucco, hat de jude uvverwonne. Zieng oudste dochter Abigaille hat zichzelf tot kunningin oetgerope en misleidt hem um z'n zegel te zitte op 't doëdvonnis van alle jude en dus och van zieng - bekierde - twiede dochter Fenena. Juus vur de exercutie vrug hee 't afgodsbeeld te vernietige, wat dan och gebäört, zoonder dat aene d'r aan kump. Nabucco vrug dan an zieng volk um d'r juudse god te knele.

(G. Verdi - Nabucco)

9. "Figaro" oet d'r opera Il Barbiere di Siviglia (d'r kapper van Sevilla) van G. Rossini.
D'r graaf van Almaviva wil trowwe mit Rosina, die inwoent bie 'nne ouwe dokter Bartolo, dae och mit häör wil trowwe. D'r graaf verklijt zich e paar kier, zoedat ze neet vur zienge titel zou valle, mè och um zoe d'r dokter te ontwieke. Oeteindelik lukt 't - mit hulp van d'r kapper Figaro - um mit Rosina te trowwe.

(G. Rossini - Il Barbiere di Siviglia)

10. "Voi Che Sapete" oet Le Nozze de Figaro (Broelof van Figaro) van W.A. Mozart.

(W.A. Mozart - Le Nozze de Figaro)

Jubileum 700 jaor

Es in 1290 Margaretha, joonkvrow van Noorwege en litste naokommeling van d'r Sjotse kunning Alexander III sjtirf, sjtirf dus och de Sjotse kunningsfamilie en kump d'r troën in han van Eduard I, kunning van Ingeland, dae dao 'nne vazal neerzit. Dae vazal wurd al gauw te sjots en belandt in de beruchte Tower of London. Mè tegeliek mit 't sjterve van Margaretha, wurd 'nne oonafhankelikhaedsoorlog gebore in Sjotland: the War of Independence.

(Highland Cathedral)

William Wallace (bekind van 'Braveheart') leidt de Sjotte nao 'n belangrieke uvverwinning bie Stirling Bridge, op 11 september 1297. Juus wie in Belsj de Guldensporenslag (1302) wurd dao al 5 jaor ieder de tot dan oonuvverwinnelik geachte ridders / zjoër-cavalerie versjlage. In d'r film gebäört dit mit lang sjpere, es e soort Griekse phalanx, mè in feite gebäörde dit op 'n brugk, oe de zjoër-cavalerie, de diek gepantserde ridders, aen vur aen uvverheen moeste en dus och aen vur aen opgewach en aafgesjlach koeste were. Dat juus die essentiële brugk weggelotte is in d'r film is natuurlik erg jaomer; d'r sjlag wurd dao dus och Battle of Stirling en neet Battle of Stirling Bridge geneumd!

(They may take our lives, but they'll never take our FREEDOM!)

William Wallace wurd in 1305 verraoje en in Londe ter doëd veroordeeld en geëxecuteerd. E jaor later kump Robert the Bruce names Sjotland in opsjtand. Hee vermoord zienge rivaal John - the Red - Comyn en kriet daonao de sjteun van de aander Sjotse clans.
Op 23-24 juni 1314 wurd de oonafhankelikhaed besjlis in d'r Sjlag bie Bannockburn. Dit liegk e paar kilometer zuideliker dan Stirling Castle, dat zich juus d'r vur hou uvvergegeve an de Sjotte, umdat ze ging versjterking kroge. Eduard II van Ingeland (zoon van in 1307 gesjtorve Eduard I) keem mit 25.000 man aan bie Bannockburn, oë hee dur 9.000 man woort opgewach, oonder leiding van Robert the Bruce en de ouw kapiteins van William Wallace. Bie dizze sjlag gebruukde de Sjotte wal de phalanx (de 'schiltron'), de land sjpere um de cavalerie te versjloon. En dat lukde. Robert the Bruce wis zelf 'nne Ingelsje ridder te versjloon: hee sjpleet mit zieng sjtriëdbiel zienge helm en kop in twie.
Op d'r twiede daag wis de cavalerie opnuuj neet dur de schiltrons heen te breke, ze woorte truukgedreve en de Sjotte rukde wiër op. De Ingelsje zote klem, tusje de oprukkende Sjotte en de river Forth. Mit 10.000 man verlees en kunning Eduard II dae vlugde, wonne de Sjotte d'r sjlag. 10 jaor later woort Sjotland opnuuj oonafhankelik, mit 't Verdrag van Edinbrugh-Northampton. Dit zou dore tot 1707, es 't Sjotse en Ingelsje parlement de Act of Union taekene en de twie kunninkrieke opgunt in Groët-Brittannië.

Precies 700 jaor nao d'r Sjlag bie Bannockburn, op 18 september 2014, kroge de Sjotte middels e Referendum de vraog: "Vinse dat Sjotland oonafhankelik mot were?"
Mit 'n opkoms van roond de 85%, sjtimde 45% vur en 55% tenge oonafhankelikhaed. Sjotland blief dus bie 't Verenigd Kunninkriek en zoe blief de "Act of Union" van 1707, nao 307 jaor besjtoon!

Bekiek hie aander jubilea.